15-16 мамыр күндері AlmaU университетінде «Тұрақты бизнестің болашағы: ESG жаңа басқару парадигмасы ретінде» атты екі күндік тренинг өтті.
Бағдарлама қаржы және сақтандыру секторының өкілдерін, сондай-ақ халықаралық экономикалық ынтымақтастық және корпоративтік қаржыландыру саласында жұмыс істейтін институттардың мамандарын біріктірді. Қатысушылар қатарында стратегиялық даму, корпоративтік басқару, инвестициялар және тұрақты даму бағыттары бойынша басшылар мен сарапшылар болды.
Оқу үдерісі кәсіби диалог пен тәжірибе алмасу форматында өтті. Қатысушылар талқылауларға белсенді қатысып, салалық кейстермен бөлісті және ESG-құралдарын өз ұйымдарының қызметіне енгізу бойынша жеке көзқарастарын қалыптастырды.
Осындай бағдарламаларды өткізу AlmaU университетінің кәсіби қауымдастықты біріктіретін және тұрақты бизнес саласындағы заманауи басқару тәсілдерін ілгерілететін жетекші алаң ретіндегі рөлін айқындайды.