13-14 сәуір күндері Әл-Фараби атындағы ҚазҰУ қабырғасында студенттік лига аясында шахмат турнирі өтті. Бұл жарыс Қазақстан ЖОО-лары арасындағы Республикалық жарысқа іріктеу кезеңі болды.
Жарысқа қаланың 20 жоғары оқу орны қатысты, алайда тек үздік 5 команда келесі кезеңге жолдама алды. Турнир 4+2 форматында өтті – құрамында 4 жігіт және 2 қыз болды.
AlmaU командасы құрамында:
1 тақта – Бижигитов Жангир (FM)
2 тақта – Жұмабек Нұрасыл (FM)
3 тақта – Қойшыман Мухаммеджан (КМС)
4 тақта – Уалихан Ануар (КМС)
5 тақта – Иманберді Көркем
6 тақта – Сатулганова Надия
Тартысты әрі шешуші ойындарда команда мінез көрсетіп, қарсыластарын басып озып, 3-орынға ие болды. Осы нәтиже AlmaU құрамасына Республикалық турнирге жолдама әкелді.
Жекелей нәтижелер де ерекше атап өтуге тұрарлық. Команданың көшбасшылары:
Жұмабек Нұрасыл – 9 ойынның 8,5 ұпайы
Бижигитов Жангир – 9 ойынның 8 ұпайы
Екі спортшы да өз тақталарында 1-орын алды.
AlmaU командасын құттықтаймыз! Алда – жаңа белестер мен жеңістер!