2026 жылғы 3 қарашада AlmaU университетінде Қытайдың Tianjin University делегациясымен кездесу өтті. Кездесу университеттер арасындағы ынтымақтастықты дамытуға және бірлескен білім беру бағдарламаларын іске асыру перспективаларына арналды.
Кездесу басында AlmaU және Tianjin University өкілдері өз университеттерін таныстырып, қызметінің негізгі бағыттары мен одан әрі өзара іс-қимыл жасау мүмкіндіктері туралы ақпарат берді.
Tianjin University делегациясының құрамында Zheng Chundong – Экономика және менеджмент колледжі деканының орынбасары; Bai Yanzhuang – MBA бағдарламасының директоры; Meng Junna – MEM бағдарламасының директоры; Liu Mengqing – Халықаралық ынтымақтастық офисінің менеджері болды.
AlmaU атынан кездесуге Шолпан Тазабек – жаһандық әріптестік жөніндегі проректор; Ксения Южанинова-Караденизли – Жоғары бизнес мектебінің деканы; Азамат Ауезханулы – Менеджмент мектебінің деканы; Айгерим Елибаева – Жоғары бизнес мектебінің атқарушы білім беру, көшбасшылық және консалтинг департаментінің директоры; Алия Акпаева – Халықаралық ынтымақтастық департаментінің директоры; Наргиз Ахметова – Халықаралық бағдарламалар және академиялық ұтқырлық орталығының жетекшісі; Ильяр Бахтияр – Трансформациялық гуманитарлық ғылымдар мектебінің (SSTH) қытай тілі пәнінің аға оқытушысы қатысты.
Кездесу барысында тараптар AlmaU Жоғары бизнес мектебінің қатысуымен бірлескен білім беру бағдарламаларын әзірлеу мүмкіндіктерін, сондай-ақ қос дипломды бағдарламалар аясындағы ынтымақтастықтың перспективалы бағыттарын талқылады. Университеттер арасындағы академиялық және білім беру байланыстарын одан әрі дамытуға ерекше назар аударылды.
Кездесу AlmaU мен Tianjin University арасындағы әріптестік байланыстарды нығайтудағы маңызды қадам болды. 2025 жылдан бастап университеттер арасындағы ынтымақтастық академиялық және білім беру байланыстарын дамытуға бағытталған меморандум аясында жүзеге асырылып келеді. Тараптар әріптестікті одан әрі кеңейтуге және бірлескен білім беру бағдарламаларын, соның ішінде қос дипломды бағдарламаларды іске асыру мәселелері бойынша диалогты жалғастыруға мүдделілік танытты.