AlmaU Ғылым және коммерцияландыру департаменті профессор-оқытушылар құрамын, жас ғалымдарды, докторанттар мен зерттеушілерді «Идеядан жобаға дейін» сериясының төртінші тренингіне шақырады. Тренинг ғылыми жобаның бюджетін қалыптастыруға және Ұлттық мемлекеттік ғылыми-техникалық сараптама орталығының ақпараттық жүйесімен (ИС НЦГНТЭ) жұмыс істеуге арналады.

Қатысушылар шығындар сметасын дұрыс жасауды, гранттық конкурстардың талаптарына сәйкес жоба бюджетін негіздеуді және ИС НЦГНТЭ жүйесінде өтінімді дұрыс толтыруды үйренеді. Өтінімнің қаржылық бөлігін дайындау кезінде жиі кездесетін қателерге және олардың алдын алуға арналған практикалық ұсынымдарға ерекше назар аударылады.

Тренинг бағдарламасы:

• Ғылыми жобаның бюджетін қалыптастыру және шығындар сметасын жасау;
• Шығындардың негізгі баптары және оларды негіздеу талаптары;
• Гранттық өтінімнің қаржылық бөлігін рәсімдеуге қойылатын талаптар;
• ИС НЦГНТЭ жүйесінде өтінімді толтыру тәртібін кезең-кезеңімен қарастыру;
• Сметаны жасау және ақпараттық жүйемен жұмыс істеу кезінде жиі кездесетін қателер;
• Гранттық өтінімді дайындау және тапсыру бойынша практикалық ұсынымдар.

Спикер: Жансая Темербулатова, PhD, AlmaU Цифрлық технологиялар және экономика мектебінің Research Professor-ы.

Күні: 2026 жылғы 3 қараша, сейсенбі
Уақыты: 11:00-13:00
Өтетін орны: AlmaU, A303 аудиториясы
Форматы: офлайн

Тренинг ғылыми зерттеулерді қаржылық жоспарлау және гранттық өтінімдерді дайындау бойынша практикалық дағдыларды дамытуға бағытталған. Семинарға қатысу зерттеушілерге гранттық конкурстардың талаптарын тереңірек түсінуге және жобалық құжаттаманың сапасын арттыруға көмектеседі.

Идеядан жобаға дейін – AlmaU ғылымын бірге дамытайық!