29 қазанда AlmaU университетінде Қазақстандағы Қамқоршылар күніне орай «Жүрек жылуы – балаларға» атты мерекелік іс-шара өтті.
Іс-шараны Алматы қаласының Бала құқықтарын қорғау басқармасы ұйымдастырды.
Мерекелік бағдарлама балаларға сүйіспеншілік, қамқорлық пен қолдау көрсетіп, олардың бақытты балалық шағы мен жарқын болашағына жағдай жасап отырған қабылдаушы отбасыларға арналды. Іс-шара аясында балаларды тәрбиелеу мен олардың әл-ауқатын қамтамасыз етуге зор үлес қосып жүрген қамқоршылар мен қабылдаушы ата-аналарға құрмет көрсетілді. Олардың еңбегі ерекше құрмет пен жоғары бағалауға лайық.
Мереке барысында AlmaU қайырымдылық акциясын өткізіп, балаларға қамқорлық пен көңіл бөліп, оларды тәрбиелеуге қосқан үлестері үшін қолдау мен алғыс белгісі ретінде сертификаттар табыстады.
Мерекелік көңіл күйді «Алматы әуендері» шығармашылық ұжымының, Жамбыл атындағы Қазақ мемлекеттік академиялық филармониясы мен Бақытжан Байқадамов атындағы Мемлекеттік хор капелласы өкілдерінің, өнертану магистрі Қаламқас Махмұтбекқызы Қадырбаева мен Қазақстан Республикасының еңбек сіңірген қайраткері Толқын Забированың өнер көрсетулері толықтырды.
AlmaU Алматы қаласының Бала құқықтарын қорғау басқармасына маңызды іс-шараны ұйымдастырғаны үшін, сондай-ақ шығармашылық үлесі мен мерекелік жылы атмосфера қалыптастырған барлық әртістер мен қатысушыларға алғыс білдіреді.
Әрбір балаға деген мейірім, қамқорлық пен ықылас ортақ болашағымыздың негізіне айналсын!
