Almaty Management University (AlmaU) Бизнес жоғары мектебі мен Кәсіпкерлік институтының қауымдастырылған профессоры, PhD, CMC®, Орталық Азияның Менеджмент жөніндегі консультанттар палатасы (CMC Central Asia) Маркетинг комитетінің төрайымы Татьяна Солдатенкоға Халықаралық басқарушылық консалтинг институттары кеңесінің (International Council of Management Consulting Institutes, ICMCI) Academic Fellow халықаралық академиялық атағы берілді.
Academic Fellow ICMCI мәртебесі басқарушылық консалтингтің дамуына ғылыми зерттеулер, оқытушылық қызмет және кәсіби тәжірибе арқылы елеулі үлес қосқан академиялық көшбасшыларға беріледі. Бұл атақтың табысталуы басқарушылық консалтингті дамытуға, жаңа буын мамандарын даярлауға және академиялық қауымдастық пен кәсіби индустрия арасындағы ынтымақтастықты нығайтуға қосқан сарапшылық үлестің халықаралық деңгейде мойындалғанын білдіреді.
Бұл жетістік Орталық Азия үшін ерекше маңызға ие. Татьяна Солдатенко өңірдегі Academic Fellow ICMCI атағына ие болған екінші тұлға атанды. Бұған дейін бұл халықаралық мәртебе AlmaU президенті Асылбек Қожахметовке берілген болатын. Бұл AlmaU-дың басқарушылық консалтингті халықаралық деңгейде дамытудағы жетекші рөлін тағы бір мәрте дәлелдейді.
Academic Fellow мәртебесі ICMCI-дің әлемнің түкпір-түкпірінен келген зерттеушілерді, оқытушыларды және тәжірибелі консультанттарды біріктіретін жаһандық сарапшылар қауымдастығына қатысуға мүмкіндік береді. Бұл халықаралық ғылыми жобаларды дамытуға, үздік әлемдік тәжірибелермен алмасуға, заманауи тәсілдерді білім беру үдерісіне енгізуге және халықаралық академиялық ынтымақтастықты нығайтуға ықпал етеді.
Бұл атақтың берілуі AlmaU профессорлық-оқытушылық құрамының жоғары кәсіби және академиялық деңгейін айқындап, университеттің Орталық Азиядағы басқарушылық білім беру мен консалтингті дамыту орталықтарының бірі ретіндегі ұстанымын күшейтеді.
Анықтама:
International Council of Management Consulting Institutes (ICMCI) әлемнің 50-ден астам еліндегі ұлттық басқарушылық консалтинг институттарын біріктіретін және саланың кәсіби стандарттарын қалыптастыратын жетекші халықаралық ұйым болып табылады. ICMCI халықаралық деңгейде мойындалған басқарушылық консалтинг саласындағы ең беделді кәсіби біліктілік — Certified Management Consultant (CMC) иесі болып табылады.
Орталық Азияда бұл мамандықтың дамуы Орталық Азияның Менеджмент жөніндегі консультанттар палатасы (CMC Central Asia) арқылы жүзеге асырылады. Ұйым халықаралық кәсіби стандарттар мен этикалық қағидаларды ілгерілетіп, CMC стандарты бойынша консультанттарды даярлау және сертификаттау бағдарламаларын іске асырады.
ICMCI Academic Fellows 2026 тізімі:
https://www.cmc-global.org/content/list-approved-academic-nominations-2026