7 тамыз күні «Тұран» университетінің базасында Алматы қаласы әкімдігінің 2026 жылға арналған ғылыми гранттар конкурсы аясындағы өтінімдерді қарастыру басталды.
AlmaU атынан қарастыруға ең перспективалы әрі практикалық қолдану, енгізу және коммерцияландыру әлеуеті жоғары деп танылған үш жоба ұсынылды:
- Almaty Predictive Culture Analytics (APCA) – жасанды интеллект негізінде Алматы қаласының мәдениет мекемелеріне арналған болжамды аналитика жүйесі. Жоба жетекшісі – Татьяна Солдатенко, PhD, CMC-AF, AlmaU Жоғары бизнес мектебі Кәсіпкерлік институтының қауымдастырылған профессоры.
- Zabota.asia – жергілікті зерттеулерге арналған дербестендірілмеген регистрлер – созылмалы жұқпалы емес аурулары бар пациенттердің дербестендірілмеген регистрлеріне арналған, фармакотерапия нәтижелерін AI көмегімен талдауды қолдайтын цифрлық no-code платформа. Жоба жетекшісі – Өмір Аида Салимжанқызы, PhD. Жобаны жауапты орындаушы, дәрігер әрі «Digital Doctor Kazakhstan» ЖШС бас директоры Глеб Краснов таныстырды.
- HYDROROCK Smart Tree Irrigation – IoT-сенсорлар мен цифрлық мониторингке негізделген қалалық ағаштарды жерасты арқылы суарудың зияткерлік жүйесі. Жоба су ресурстарын ұтымды пайдалануға және Алматыны тұрақты көгалдандыруға бағытталған. Жоба жетекшісі – Ережеп Дархан Есейұлы, PhD, қауымдастырылған профессор. Жобаны жауапты орындаушы, PhD Жания Хайбуллина таныстырды.
Әрбір жоба 12 айға есептелген, ал сұралатын қаржыландыру көлемі 34,8 млн теңгені құрайды.
Ұсынылған бастамалар Алматы қаласын дамытудың үш маңызды бағытын қамтиды: қалалық ортаны цифрлық трансформациялау, әлеуметтік тұрақтылық пен денсаулық сақтау, сондай-ақ «Жасыл Алматы» бастамасын дамыту. Барлық жобалар нақты қолданбалы нәтижелерге қол жеткізуге, оларды одан әрі кеңейтуге және коммерцияландыруға бағытталған.