2025 жылдың 5 қарашасында AlmaU студенттері Арал теңізінің құрғаған табанында қара сексеуіл отырғызуға арналған ауқымды экологиялық акциясына қатысты.
Инициатива Аралды құтқару халықаралық қорының (АҚХҚ) Атқарушы дирекциясы мен Freedom Bank тарапынан, Арал орман және жануарлар дүниесін қорғау мемлекеттік басқармасының қолдауымен ұйымдастырылды.
60 гектар аумаққа 18 мың сексеуіл көшеті отырғызылды. Бұл өсімдік шөлейттенуге қарсы күресте және өңірдің табиғи тепе-теңдігін қалпына келтіруде маңызды рөл атқарады.
AlmaU студенттерінің бұл акцияға қатысуы университеттің үшінші миссиясының жүзеге асуын көрсетеді – қоғамның тұрақты дамуына үлес қосу, жастарды әлеуметтік маңызы бар бастамаларға тарту және экологиялық жауапкершілік мәдениетін қалыптастыру.
Приаралье экожүйесін қалпына келтіру жобасына қосыла отырып, студенттер Қазақстанның экологиялық жағдайын жақсартуға және табиғатты сақтауға өз үлестерін қосты.
«Арал экожүйесін сақтау мен қалпына келтіруге қатысу – әрқайсымыз үшін маңызды миссия. Теңіз түбінен көтерілетін тұз адамдар мен табиғатқа зиян келтіреді. Біз бұл бастаманың бір бөлігі болғанымызға қуаныштымыз және отырғызылған әрбір сексеуіл ағашы өңірдің қалпына келуіне септігін тигізеді деп сенеміз. AlmaU әрдайым экологиялық жобаларды қолдайды. 2024 жылы университет осындай акцияны өз бастамасымен өткізген болатын», – деді Айтуар Қасымханов, AlmaU-дың 3-курс студенті.
Акцияның салтанатты ашылуына билік, банк секторы, қоғамдық және білім беру ұйымдарының өкілдері қатысты. Құттықтау сөздерін келесі тұлғалар айтты:
-
Арал ауданы әкімдігі өкілі;
-
Мусилим Жиенбаев, АҚХҚ Атқарушы комитетінің өкілі;
-
Айдос Жетпісбай, Freedom Bank Kazakhstan Қызылорда филиалының басшысы;
-
Еркебай Ғалымжан, Қызылорда облысының табиғи ресурстар және табиғатты пайдалануды реттеу басқармасының басшысы;
-
Молдир Валиева, РМК «Республикалық орман селекциялық-тұқым өсіру орталығының» «Оңтүстік-шығыс аймақ» филиалының басшысы;
-
Айнұр Рысбаева, «Тұран ойпаты – Арал теңізі» қоғамдық бірлестігінің төрайымы.
Инициативаға сондай-ақ келесі мемлекеттік және қоғамдық ұйымдар қосылды:
Freedom Bank Kazakhstan, Арал орман және жануарлар дүниесін қорғау мемлекеттік мекемесі, Барсакелмес мемлекеттік табиғи қорығы, РМК «Республикалық орман селекциялық-тұқым өсіру орталығының» өңірлік филиалдары, сондай-ақ «Арал теңізі» және «Тұран ойпаты – Арал теңізі» қоғамдық бірлестіктері.
Бұрынғы Арал теңізі жағалауындағы бұл экологиялық акция өңірдің табиғи тепе-теңдігін қалпына келтіруге бағытталған маңызды қадам болды. AlmaU студенттерінің қатысуы – жас ұрпақтың азаматтық жауапкершілігінің және экологиялық тұрғыдан тұрақты Қазақстан құруға деген нақты ұмтылысының көрінісі.