- AlmaU –1988 жылы құрылған оқу орны. 2023 жылдың желтоқсанында 35 жылдығын тойлайды.
- Университет қалыптасудың үш кезеңін бастан өткерген. О баста Алматы менеджмент мектебі ретінде құрылған. Сосын халықаралық бизнес академиясы болып дамыған. 2015 жылдан бастап AlmaU брендімен танымал.
- Оқу орны тұрған жерде кезінде теледидар шығаратын зауыт жұмыс істеген.
- 1997 жылдың 1 қарашасында Омарова Күләш, 1999 жылдың 16 қарашасында Калмаков Денис Алматы менеджмент мектебінің алғашқы қызметкерлері болып тіркелген.
- Төрт қабаттың да сәнін келтіріп отырған суреттердің шетінде «Шеге» деген жазуды байқаған шығарсыз. Бұл – талантты суретші Владимир Гвоздевтың лақап аты.
- Қазіргі Атриум холының орнында көлік қоятын тұрақ болған.
- AlmaU-дың логотипінде алма бейнеленуі бекерден бекер емес. Себебі университет төртінші алма (Өмір ағашының алмасы, Ньютонның алмасы, Стив Джобстың алмасы ) болуды мақсат тұтқан.
- AlmaU-дың әнұранын студенттердің өздері шығарып бейнебаян түсірген.
- Аулада тұрған жасыл шыршаларды DBA бағдарламасының түлектері отырғызған.
- 2010 жылдан 2011 жылға дейін қазақ тілін үйренгісі келетіндерге арналған «Ұлытау» мәдени-лингвистикалық лагері ұйымдастырылған. Алғашқы қатысушылардың саны 83 адамға жеткен.
- 2012 жылы астыңғы қабаттың еденінде акула бейнеленген кафель төселген. Себебі университет студенттері өздерін «бизнестің жас акулалары» ретінде көрген. Айтпақшы, ол кафельдер әлі сақталған.
- Сол жылдары үзіліс кезінде маңызды хабарламалар жасайтын радио жұмыс істеген.
- Дидар Марданов 21 жасында декан атанған «ең жас декан» ретінде танымал болды.
- AlmaU 2011-12 жылдары алғашқы болып студенттерге агит-бригада қатарында жұмыс істеуге мүмкіндік берді. Кейін абитуриенттерді тартудың бұл моделін қалған республикалық оқу орындары көшірді.
- «Капитал» КВН командасы Сочидегі, Бакудегі ойындарға қатысып, жүлделі орындар иемденген.
- 2015 жылы Алматы Марафонына университет атынан рекордты қатысушы – 700 адам тіркелді.
- 2016 жылы AlmaU-дың 40 жылдығында ашылады деген ниетпен капсула жасырылады. 2028 жылы ол капсула Атриумның қабырғасынан алынады.
- AlmaU университеттердің алды болып инфрақұрылымды мүмкіндігі шектеулі жандарға арнап ыңғайлы етіп жасауға күшін салды.
- Тұңғыш рет «Неограниченные возможности» бағдарламасын іске қосты. Соның аясында кәсіпкерлікке қызыққан мүмкіндігі шектеулі азаматтар MBA-де ақысыз негізде оқи алды.
- 2018 жылы университеттің 30 жылдығына орай AlmaU Mountain Club-тың ұйымдастыруымен белсенділер шыңға шықты. MBA түлегі Мақсұт Жұмаев AlmaU-дың жалауын Джомолунгке тікті.
- 2019 жылы «Ұлы Балқаш шақырады!» жобасы іске асты.
- AlmaU-да үзіліссіз білім беру жүйесі қалыптасқан: балабақша-мектеп-колледж-университет.
- 2021 жылы Arizona State University AlmaU-дың сенімді серіктесі атанды.
- 2023 жылы MBA түлегі Ержан Төреқұлов AlmaU FM радиотолқынын іске қосты. Толқынға қосылған кез келген адам бизнес әлемімен жақынырақ танысып, маңызды жаңалықтарды естіп табысты кәсіп жасауға көмектеседі.
- Бүгінгі күні университетте 13 студенттік клуб жұмыс істейді.
- Университеттің өз омбудсмені бар. Оған студенттер де, оқытушылар да келіп көмек сұрай алады.
- Жаңа жыл қарсаңында «Я с тобой» балалар хосписіндегі бүлдіршіндердің армандарын орындауға мүмкіндік туады. Балалардың армандары жазылған тізіммен танысып сыйлық алып қуанта аласыз. Бұл игі істің бастамашысы – Константин Хоменко.
- Пәленшеев Жалғас университеттегі қызметімен қатар баһадүрлер театрындағы актерлығын алып жүр. Оның бойы – 2 м 10 см.
- 2022 жылы кәсіпкер студенттерді қолдау мақсатында «Store Day» өткізілді. Бұл күні барша жас өз кәсібімен таныстырып, өнімін сатуға қоя алды.
- AlmaU-да барша қала жұртшылығына есігі ашық «QAYNAR BULAQ» жұмыс істейді. Бұл жерге келген кез келген азамат кәсіби білім алып, жұмсақ дағдыларын дамытып мазалаған сұрақтарға эксперттерден жауап ала алады.
- Университеттің өз музыкалық студиясы бар.
- AlmaU-да, жалпы, 447 адам еңбек етеді.
- Қызметкерлер арасында тату-тәтті 3 жұп бар.
- 35 жылдыққа орай түлектердің жетістік оқиғалары жазылған «Секреты успеха Jurttyn balasy» кітабы жазылып шықты.
- Бұл фактіні жазу сіздің еншіңізде болсын. Тізімге енбеген ерекше, қызық деректі жазып, #AlmaU хештегін белгілеп, әлеуметтік желіңізге салыңыз. Келе жатқан мерейтой құтты болсын!
