14 ақпанда AlmaU-дың Atrium Grand Hall залында студенттік REMUS ұйымының ұйымдастыруымен «Remus Night» атты дәстүрлі жыл сайынғы студенттік түнеу кеші өтті.
Әдетте бұл іс-шара Жаңа жыл қарсаңында ұйымдастырылады. Алайда биылғы оқу жылында студенттер қысқы мерекелік атмосфераны ақпан айының ортасында сезінуге мүмкіндік алды.
Кеш бағдарламасы мазмұнды әрі алуан түрлі болды. Қонақтарды:
-
DJ-сеттер,
-
би қойылымдары,
-
интерактивті байқаулар,
-
жүлделер ұтысы күтті.
Сондай-ақ қатысушылар үшін фильм көру аймақтары, демалуға және бейресми қарым-қатынас жасауға арналған арнайы кеңістіктер ұйымдастырылды. Әркім жайлы әрі мерекелік атмосферада уақыт өткізе алды. Сусындар мен жеңіл тағамдар іс-шара серіктестері тарапынан ұсынылды.
Қатысушылардың пікірінше, бұл кеш AlmaU-дың қысқы студенттік іс-шараларының жарқын қорытындысына айналып, студенттік жылдың ең күтілетін оқиғаларының бірі болды. Іс-шара студенттік қауымдастықты нығайтуға, университеттік дәстүрлер мәдениетін дамытуға және жағымды, достық атмосфера қалыптастыруға ықпал етті.