11 наурыз күні AlmaU-де Жоғары бизнес мектебінің оқытушыларына арналған «Оқытушылық құзыреттерді трансформациялау: AI, Digital және ESG» атты біліктілікті арттыру бағдарламасы басталды.
Осы күні бағдарламаның алғашқы модулі – «Академиялық үдерістегі ESG» өтті. Сабақты Жания Хайбуллина, PhD докторанты, AlmaU Тұрақты даму орталығының директоры және Рустам Ахметов, заң ғылымдарының кандидаты, EMBA, Жоғары бизнес мектебінің практик-профессоры жүргізді.
Алғашқы сабақ барысында қатысушылар ESG бағытындағы негізгі трендтер мен Тұрақты даму мақсаттарын (SDG), сондай-ақ тұрақты даму қағидаттарын білім беру бағдарламаларына енгізу тәсілдерін талқылады. Сонымен қатар академиялық үдерісте ESG-кейстерді және жобалық оқыту әдістерін қолдану мәселелеріне ерекше назар аударылды.
Жақын уақытта оқытушыларды заманауи цифрлық құралдар мен оқытушылық құзыреттерді дамытуға арналған тағы төрт практикалық модуль күтіп тұр.
2-модуль. Жасанды интеллект стратегиялық серіктес ретінде
Жасанды интеллектті академиялық және зерттеу жұмыстарында қолдану: контекст-инженерия, фактчекинг, NotebookLM, әдебиеттерге шолу дайындау және бағдарламалаусыз деректерді талдау.
Нәтиже: өз тақырыбы бойынша жеке AI-пайплайн құру.
3-модуль. AI-визуализация және медиа
Деректерді визуализациялау құралдары және білім беру контентін жасау: презентациялар, инфографика, генеративті бейнелер, видео және аудио, оқу материалдары мен әдістемелік құралдар.
Нәтиже: дайын материалдар пакеті – презентация, инфографика, медиаконтент және жұмыс промпттарының жиынтығы.
4-модуль. Digital foundation
Оқытушының цифрлық жұмыс ортасын қалыптастыру: веб-сервистер, AlmaU корпоративтік қосымшалары және цифрлық гигиенаның негізгі қағидаттары.
Нәтиже: бапталған цифрлық орта және пәнді сүйемелдеуге арналған чек-лист.
5-модуль. AI және No-Code құралдары
Бағдарламалаусыз білім беру сервистерін жасау: кейс-платформалар, шешім қабылдау симуляторлары, геймификация элементтері және аналитикалық панельдер.
Нәтиже: енгізуге дайын үш өнім – кейс-хаб, тренажер және аналитикалық дашборд.
Бағдарлама оқытушылардың өзекті сұраныстарын ескере отырып әзірленген. Негізгі міндеттердің бірі – жұмыстарды тексеру, оқу материалдарын дайындау және студенттермен коммуникация сияқты күнделікті процестерге жұмсалатын уақытты оңтайландыру, сондай-ақ заманауи цифрлық құралдар мен жасанды интеллект технологияларын меңгеру.
Бағдарламада интерактивті және визуалды оқыту форматтарын дамытуға, сондай-ақ тұрақты даму қағидаттарын (ESG) білім беру пәндеріне енгізуге ерекше назар аударылады.
Оқыту қысқа, тәжірибеге бағытталған модульдер форматында өтеді. Бұл оқытушыларға жаңа құралдармен танысып қана қоймай, оларды өз жұмысында бірден қолдануға мүмкіндік береді.
Бағдарламаның басты ерекшелігі – оның практикалық бағыты: әр модуль оқытушылар өз пәндерінде қолдана алатын нақты құрал немесе материал әзірлеумен аяқталады. Бағдарлама AI технологиялары, цифрлық құралдар және тұрақты даму қағидаттарын пайдалана отырып, заманауи оқытушылық құзыреттерді дамытуға және білім беру процесін трансформациялауға бағытталған.