27 наурыз күні AlmaU-да AlmaU Халықаралық қатынастар институты мен Француз Альянсы Алматы арасында өзара ынтымақтастық туралы меморандумға қол қою рәсімі өтті.
Қол қою рәсіміне құрметті қонақтар қатысты: Франсуа Монеже – «Француз Альянсы» ҚБ атқарушы директоры және Орталық Азия бойынша өңірлік үйлестіруші, Жанна Эстаулетова – ұйымның әкімшілік директоры, сондай-ақ Мерей Данаева – Алматыдағы Campus France кеңсесінің үйлестірушісі.
Құжат бірлескен білім беру бастамаларын және мәдени-ағартушылық жобаларды дамытуға бағытталған.
Ынтымақтастықтың негізгі бағыттарына француз тілін, Францияның тарихы мен мәдениетін тереңдетіп оқыту, сондай-ақ студенттер мен оқытушылар үшін академиялық және кәсіби мүмкіндіктерді кеңейту кіреді.
Меморандумға қол қою AlmaU мен Француз Альянсы Алматы арасындағы халықаралық ынтымақтастықты нығайту және тұрақты білім беру байланыстарын дамыту жолындағы маңызды қадам болды.