2026 жылдың 14 мамыр күні AlmaU-да қызметкерлер мен студенттер үшін жоспарлы қалалық сейсмотренировка өткізілді. Іс-шара жер сілкінісі қаупі туындаған немесе болған жағдайда дұрыс әрекет ету дағдыларын пысықтауға бағытталды.
Белгіленген уақытта университетте дабыл сиренасы қосылып, хабарлау жүйесі арқылы ескерту сигналы берілді. Осыдан кейін қызметкерлер мен студенттер нұсқаулыққа сәйкес қатаң түрде әрекет етті. Бірінші және екінші қабаттарда болғандар оқу ғимараты мен спорт кешенінің негізгі және авариялық шығу жолдары арқылы ұйымдасқан түрде ғимараттан шықты. Оларды жауапты қызметкерлер мен университет қызметтері өкілдері бағыттап, тәртіп пен тыныштықты сақтауға көмектесті.
3-4-5-6 қабаттарда болған қызметкерлер мен студенттер сыртқа эвакуацияланған жоқ. Ережеге сәйкес олар дәліздерге шығып, арнайы көрсеткіштермен белгіленген ең қауіпсіз орындарға («қолшатырлар») орналасты. Бұл жылдам эвакуация мүмкін болмаған жағдайдағы әрекет алгоритмін пысықтауға мүмкіндік берді.
Жалпы жиналу орны ретінде университет ғимаратының Розыбакиев көшесі жағындағы шығыс бөлігі белгіленді. Алаңда адамдардың жиналуы мен тексерісі жүргізілді.
Сейсмотренировкаға азаматтық қорғау штабының басшысы, Инфрақұрылым басқармасының директоры Сарсембаева З. К. жетекшілік етті.
Тренировка барысында практикалық сабақтар мен шағын түсіндіру әңгімелері өткізілді: ғимараттан қауіпсіз шығу жолдары, дәліздерде қай жерге тұру керектігі және әр қабаттағы әрекеттер түсіндірілді.
Қатысушыларға өзімен бірге алып жүруге пайдалы заттар – мысалы, фонарь мен ысқырық сияқты құралдар – төтенше жағдайға дайын болу үшін еске салынды.