Бүгін, 10 тамыз – ұлы ақын, ойшыл, философ, ағартушы Абай Құнанбайұлының туған күніне орай аталып өтетін Абай күні.
Биыл қазақтың ұлы ойшылының туғанына 181 жыл толып отыр.
Абайдың мұрасы – әдебиетпен ғана шектелмейді. Оның философиясы адамды білімге, еңбекке, ізденіске, жауапкершілікке және үнемі дамуға үндейді.
Абай шығармашылығындағы маңызды ұғымдардың бірі – «Толық адам». Бұл – ақылын, жүрегін және қайратын үйлестіре отырып, білімге ұмтылатын, өзін дамытатын және қоғамға пайдасын тигізуге талпынатын тұлға. Бүгінде бұл идеялар AlmaU-дағы TOLYQ ADAM философиясымен үндеседі. Біз үшін білім беру – тек кәсіби маман даярлау емес, сонымен қатар саналы, жауапты және қоғамға пайдалы тұлға қалыптастыру.
Әрқайсымыз білімге ұмтылып, ойымызды дамытып, адамдық құндылықтарды биік ұстайық.
Абай күні құтты болсын!