4 желтоқсанда AlmaU-да Қазақстанның ұлттық мұра бағыттарын дамытуға арналған Adventure Travel Meetup өтті. Іс-шараны Travel Massive Almaty, AlmaU Менеджмент және туризм мектебі және KazAlpineClub ұйымдастырды. Кездесу туризм саласының өкілдерін, сарапшылар қауымдастығын, оқытушылар мен студенттерді біріктіріп, шытырман оқиғалы туризмді дамыту перспективалары мен ұлттық мұра бағыттарын құру мәселелерін талқылауға мүмкіндік берді.
Іс-шараға Қазақстанның туристік экожүйесіндегі негізгі ұйымдардың өкілдері қатысты:
Еркін Тікенов – модератор, AlmaU Менеджмент және туризм мектебінің практика профессоры, KazakhTourism Қоғамдық кеңесінің мүшесі;
Диана Фролова – LCREDO гидтерді даярлау орталығының директоры, Turclub.kz үйлестірушісі, KazAlpineClub басқарма мүшесі;
Қажым Жұмалиев – Tabigat қауымдастығының президенті, KazAlpineClub басқарма мүшесі;
Константин Сапронов – Алматы облысы спорттық туризм федерациясының төрағасы;
Александр Пашкин – LCREDO нұсқаушысы;
Марина Кадникова – MONTE туроператорының басшысы, KazAlpineClub атқарушы директоры;
Вадим Шкляр – DemAl басшысы;
Роман Картун – соқпақтарды абаттандыру бойынша мердігер ұйымның басшысы;
Александр Хиневич – кәсіби гид;
Жандос Жұмабай – CreAlmaty қорының басшысы, қала сәулетшісі және қалалық жобалардың продюсері;
Қасиет Омарова – инклюзия мәселелері бойынша Алматы қаласы әкімінің кеңесшісі.
Қатысушылар мұра бағыттарын дамытудағы халықаралық тәжірибелерді қарастырып, «Алатaу аманаты» Alatau Heritage Trail пилоттық жобасын талқылады. Сарапшылар барлау экспедицияларының нәтижелерін, маршруттарды бағалау қорытындыларын, сондай-ақ инфрақұрылымды дамыту, соқпақтарды басқару және оларды туристік өнім ретінде ілгерілету жөніндегі ұсыныстарды таныстырды.
Бағдарлама аясында студенттердің жобалары да таныстырылды. AlmaU Менеджмент және туризм мектебінде әзірленген 15-тен астам қалалық, рекреациялық және гастрономиялық маршрут ұсынылды. Студенттер туристік орталықтар мен туризм саласына арналған цифрлық сервистердің тұжырымдамаларын да таныстырып, алған білімдерін тәжірибеде қолдану және қалалық туризм инфрақұрылымын дамытуға қосқан үлесін көрсетті.
Іс-шара соқпақтарды дамыту, қалалық жоспарлау және тұрақты туризм саласындағы сарапшылардың қатысуымен өткен панельдік пікірталаспен қорытындыланды. Спикерлер Alatau Heritage Trail бағытын одан әрі дамыту, басқару және маркетинг моделін, сондай-ақ оны ілгерілету мен қолжетімділікті қамтамасыз ету тәсілдерін талқылады.
Adventure Travel Meetup кәсіби маңызды алаңға айналып, AlmaU, туризм саласы және сарапшылар қауымдастығы арасындағы серіктестікті нығайтты. Сонымен қатар іс-шара AlmaU-дың туризм саласындағы құзырет орталығы ретіндегі рөлін тағы бір мәрте айқындады.