2026 жылғы 21 қыркүйекте Варшаваға жұмыс сапары аясында AlmaU президенті Асылбек Қожахметов және Білім беру институтының директоры Даяна Балгабекова Януш Корчак атындағы университетке – Қолданбалы ғылымдар академиясына (Janusz Korczak University – Academy of Applied Sciences) барды.
Сапар барысында университет басшылығы мен өкілдерімен ресми кездесу өтті. Кездесудің басты нәтижесі – екі университет арасындағы ынтымақтастықты одан әрі дамытуға негіз болатын Өзара түсіністік туралы меморандумға (MoU) қол қою болды.
Януш Корчак атындағы университет тарапынан кездесуге Варшавадағы Януш Корчак атындағы университеттің ректоры, профессор Мирослав Гревиньский (Professor Mirosław Grewiński); Әлеуметтік ғылымдар факультетінің деканы Агата Ястржембовска (Agata Jastrzębowska); Әлеуметтік ғылымдар факультетінің деканы Адам Ницковский (Adam Nyckowski); Оқу департаментінің директоры, профессор Барбара Скалбания (Professor Barbara Skałbania); Жобалар департаментінің директоры Дариуш Будровский (Dariusz Budrowski); халықаралық байланыстар жөніндегі координатор Марек Кава (Marek Kawa) және халықаралық байланыстар және Erasmus+ бағдарламасы бойынша координатор Агнешка Вандер (Agnieszka Wander) қатысты.
Кездесу барысында тараптар студенттер мен оқытушылардың академиялық ұтқырлығы, сондай-ақ білім беру, педагогика және менеджмент салаларындағы бірлескен жұмыстарды дамыту перспективаларын талқылады.
Кездесуде Януш Корчактың педагогикалық мұрасына ерекше назар аударылды. AlmaU делегациясы үшін профессор Барбара Скалбания Корчактың педагогикалық философиясы, оның балаларға деген көзқарасы мен бала құқықтарын қорғау ұстанымдары, сондай-ақ оның идеяларының қазіргі білім беру жүйесіндегі маңызы туралы презентация жасады.
Бағдарламаның жалғасы ретінде AlmaU делегациясы Korczakowska Szkoła Marzeń мектебіне барды. Варшавадағы бұл мектепте Януш Корчактың педагогикалық қағидаттары күнделікті білім беру тәжірибесінде жүзеге асырылады.
Януш Корчак – көрнекті поляк педагогы, дәрігері және жазушысы. Оның педагогикалық көзқарастары баланың жеке тұлғасын құрметтеуге, оның қадір-қасиеті мен құқықтарын мойындауға негізделген. Оның педагогикалық мұрасы қазіргі білім беру мен тәрбие саласындағы тәсілдердің дамуына әлі де ықпал етіп келеді.
Сапар AlmaU мен Януш Корчак атындағы университет арасындағы ұзақмерзімді серіктестікті дамытудағы маңызды қадам болып, бірлескен білім беру жобаларын жүзеге асыруға және жаңа бағыттар бойынша ынтымақтастық орнатуға жол ашады.