28 қазанда AlmaU-дың Онлайн білім беру басқармасы «Университеттің білім беру, ғылыми-зерттеу және әкімшілік қызметінде ChatGPT Edu және Codex қолдану» тақырыбында офлайн форматта практикалық семинар ұйымдастырды.
Семинарға мектеп декандары, бағдарлама жетекшілері, профессор-оқытушылар құрамының өкілдері және университеттің құрылымдық бөлімшелерінің қызметкерлері қатысты.
Қатысушыларға ChatGPT Edu және Codex құралдарының функционалдық мүмкіндіктері таныстырылып, жасанды интеллект технологияларын университет жұмысына интеграциялаудың заманауи тәсілдері қарастырылды.
Жасанды интеллект құралдарын оқу процесін ұйымдастыруда, ғылыми зерттеулер жүргізуде, оқу-әдістемелік материалдар әзірлеуде, сондай-ақ әкімшілік және ұйымдастырушылық-басқарушылық міндеттерді шешуде қолдануға ерекше назар аударылды. Семинар барысында цифрлық құралдар көрсетіліп, оларды университет қызметінің түрлі бағыттарында пайдалану сценарийлері ұсынылды.
Семинар спикері – Кажигалиева Айгерим Бекетовна, PhD, Bilim Group компаниясының жасанды интеллект жөніндегі әдіскері.
Семинар қатысушылардың жасанды интеллекттің заманауи технологияларының мүмкіндіктері туралы түсінігін тереңдетуге, кәсіби құзыреттерін кеңейтуге және ChatGPT Edu мен Codex құралдарын университеттің білім беру, ғылыми-зерттеу және әкімшілік қызметінде тиімді қолданудың практикалық тәсілдерімен танысуға мүмкіндік берді.