2025 жылы AlmaU алғаш рет халықаралық сапа аудиті жүйесі – QS Stars бағдарламасына қатысып, жоғары нәтиже көрсетті: 4 жұлдызды иеленді! Бұл жетістік университеттің дамуы жолындағы маңызды кезең болып, оның негізгі бағыттар бойынша күшті позицияларын айқын көрсетті: түлектерді жұмысқа орналастыру, тиімді басқару, оқыту сапасы, халықаралық серіктестік, кәсіпкерлік және әлеуметтік миссия.
Бүгінде QS Stars жүйесіне Қазақстанның 23 жоғары оқу орны қатысуда, және AlmaU солардың қатарында өз орнын лайықты иеленіп, білім беру мен басқару саласындағы жоғары сапасын дәлелдеді.
Аудит келесі санаттар бойынша жүргізілді:
-
Инфрақұрылым (Facilities)
-
Академиялық даму (Academic Development)
-
Әлеуметтік әсер (Social Impact)
-
Ғаламдық байланыс (Global Engagement)
-
Түлектерді жұмысқа орналастыру (Employability)
-
Оқыту сапасы (Teaching)
-
«Бизнес және менеджмент» бағыты (Business and Management Studies)
-
Кәсіпкерлік (Entrepreneurship)
-
Тиімді басқару (Good Governance)
AlmaU ең жоғары – 5 жұлдызды мына бағыттарда иеленді:
1. Тиімді басқару (Good Governance)
Университеттің басқару жүйесі ашықтық пен стратегияға негізделген. AlmaU қаржылық және стратегиялық есептерді жариялап отырады, этикалық комитет белсенді жұмыс істейді, басқару құрылымында гендерлік теңдік сақталған (35% – әйелдер), сондай-ақ тұрақты әрі ашық басқару тәжірибелері енгізілген.
2. Кәсіпкерлік (Entrepreneurship)
Университет инновациялық ортаны дамытуда жоғары нәтиже көрсетті: бүгінде AlmaU базасында 13 стартап жұмыс істейді, олардың 100%-ы 5 жылдан астам табысты жұмыс істеп келеді. Олардың 52%-ын әйелдер негіздеген, оқытушылар кәсіпкерлік тәжірибеге белсенді қатысады, студенттік кәсіпкерлік клубтар сәтті жұмыс істеуде.
3. Бизнес және менеджмент бағдарламасы (Business and Management Studies)
«Кәсіпкерлік бағытындағы бизнес-әкімшілік» білім беру бағдарламасы жоғары баға алып, 5 жұлдызға ие болды. Бағалау барысында академиялық көрсеткіштер, студенттердің қанағаттануы, оқу үлгерімі және халықаралық бастамаларға қатысу деңгейі ескерілді. Бұл бағдарлама AlmaU-дың білім беру сапасы мен жаһандық академиялық ортаға интеграциясын көрсетті.
Сонымен қатар жоғары бағалар мына бағыттарда берілді:
-
Түлектерді жұмысқа орналастыру (Employability) – студенттерді жұмысқа орналастыруға дайындау деңгейі жоғары бағаланды
-
Халықаралық байланыс (Global Engagement) – университетте 22 елден келген студенттер білім алуда, 65 халықаралық серіктестік бар, алмасу бағдарламалары белсенді дамып келеді
-
Әлеуметтік әсер (Social Impact) – стипендиялық және волонтерлік бағдарламалар іске асырылуда, сапалы білім алуға балама жолдар қарастырылған
-
Инфрақұрылым (Facilities) – аудиториялардың техникалық жабдықталуы және медициналық қызмет көрсету сапасы жоғары бағаланды
AlmaU – жаһандық білім беру кеңістігінде
QS Stars рейтингінде қатысу – AlmaU үшін стратегиялық маңызды қадам болды. Университет бірден өз артықшылықтарын көрсетіп, халықаралық мойындауға ие болды және өзін білім беру нарығында сенімді ұстануға мүмкіндік алды.
Алдағы уақытта AlmaU сапаға, инновацияға және жаһандық ықпалдастыққа бағытталған, қарқынды дамып келе жатқан университет ретінде өз позицияларын одан әрі нығайтуды жалғастырады.