AlmaU командасы Қытайға халықаралық байланыстарды нығайту, ғылыми әзірлемелерді таныстыру және жаңа серіктестік мүмкіндіктерін ашу үшін барды.
Университет делегациясы ірі халықаралық форум мен ғылыми конференцияда сөз сөйлеп, алты сараптамалық баяндамамен таныстырып шықты. Негізгі тақырыптардың қатарында:
- «Конфуций және Абай: даналық пен сабақтастық диалогы» – School of Transformative Humanities and Education деканы А.Ж. Сапарғалиеваның баяндамасы.
- «Орталық Азиядағы бірыңғай қауіпсіздік жүйесі: мәселелер мен перспективалар» – Халықаралық қатынастар институтының директоры Камран Гусейновтың баяндамасы.
Қытайға сапар Zhejiang University of Finance and Economics (ZUFE) ректоры мырза Wei Jiang-пен кездесуден басталды. Кездесу мазмұнды әрі шабыттандырарлық болды: тараптар академиялық алмасу, бірлескен зерттеулер және ұзақ мерзімді жобаларды талқылады.
ZUFE-дегі жұмыс сессиялары ынтымақтастықтың жаңа бағыттарын айқындады, олардың ішінде:
-
Құқық институты мен Халықаралық қатынастар институты үшін екі дипломды магистрлік бағдарламаларды іске қосу;
-
Бірлескен ғылыми бастамаларды дамыту;
-
Студенттер мен оқытушылардың академиялық мобильдігін кеңейту.
Конференциядан бөлек, делегация Қытайдың жетекші технологиялық компанияларын, соның ішінде Hikvision Digital Technology компаниясын да аралады. Озық технологиялық әзірлемелермен танысу жаңа идеяларға және болашақ коллаборацияларға қуатты серпін берді.
Келесі кезең – Zhejiang University жанындағы School of Management мектебіне сапар болды. Онда ғылыми ынтымақтастықтың басымдықтары белгіленіп, жаңа білім беру бастамалары ұсынылды.
Сапардың соңғы бөлігі Fudan University құрамындағы School of Economics және Center for Russian and Central Asian Studies орталықтарында өтті. Мұнда халықаралық зерттеулердің перспективалары мен академиялық серіктестіктің заманауи форматтары талқыланды.
Сапардың нәтижесі – Қазақстан мен Қытай университеттері арасындағы байланыстардың нығаюы, жаңа ғылыми және білім беру жобаларының пайда болуы және ең бастысы – AlmaU студенттері мен оқытушылары үшін мүмкіндіктердің кеңеюі. Алда – бірлескен зерттеулер, мобильдік бағдарламалар және жаңа халықаралық бастамалар.