2026 жылғы 30 қыркүйекте Almaty Management University-де профессор Александр Михайлович Сидоркиннің «Жасанды интеллект не үшін қажет: AlmaU-дағы реляциялық университет» тақырыбында ашық дәрісі өтті.
Александр Сидоркин – California State University, Sacramento университетінің профессоры, білім берудегі жасанды интеллект, білім беру философиясы және педагогикалық инновациялар саласындағы маман. Оның зерттеулері университеттердің трансформациясына, оқытушы рөлінің өзгеруіне және жасанды интеллектті білім беру үдерісіне енгізуге арналған.
Дәріс барысында профессор реляциялық университет тұжырымдамасын таныстырды — оның орталығында оқытушы мен студент арасындағы қарым- қатынас орналасқан модель. Сарапшының айтуынша, жоғары білім берудің жаппай сипат алуы студенттер санының өсуіне алып келді, алайда сонымен бірге жеке өзара іс-қимыл, тәлімгерлік және мазмұнды кері байланыс мүмкіндіктерін қысқартты.
Бұл мәселені шешудегі жасанды интеллекттің рөліне ерекше назар аударылды. ЖИ күнделікті және әкімшілік міндеттердің бір бөлігін өз мойнына алып, оқу материалдарын дайындауға, ақпаратты талдауға және білім беру үдерісін ұйымдастыруға көмектесе алады. Сонымен қатар технологиялар оқытушыны алмастырмауы керек, керісінше оның студенттермен жеке жұмыс істеуіне, кеңес беруіне және тәлімгерлік жасауына уақыт босатуы тиіс.
Ашық дәріске AlmaU басшылығы, декандар, профессор-оқытушылар құрамының өкілдері және басқа да қызығушылық танытқан тыңдаушылар қатысты. Баяндама аудиторияның белсенді қызығушылығын тудырды. Қатысушылар білім беру үдерісінде ЖИ-ді практикалық қолдану, оқытушы рөлінің өзгеруі, оқытудың жаңа форматтары және технологиялық трансформация жағдайында университеттердің даму перспективалары туралы сұрақтар қойды.
Дәріс жасанды интеллекттің мүмкіндіктері мен шектеулерін, сондай-ақ оның адамға бағдарланған білім беру ортасын қалыптастырудағы рөлін кәсіби талқылауға арналған алаңға айналды.