2025 жылдың 9 желтоқсанында AlmaU Impact Pitch Day өтті – бұл қоғамдағы өзекті мәселелерді шешуге бағытталған әлеуметтік маңызы бар және инновациялық студенттік жобаларды таныстыру алаңы ретінде құрылған шара.
Іс-шараға AlmaU бакалавриат және магистратура студенттері қатысты. Ұйымдастырушысы – университеттің Тұрақты даму орталығы.
Мерейтойды университет Президенті Қожахметов Асылбек Базарбаевич құттықтау сөзімен ашты. Өз сөзінде ол AlmaU көп жылдан бері қоғамға нақты өзгеріс әкелетін импакт-жобалардың орталығы ретінде танымал екенін атап өтті.
Қатысушыларға шабытты үндеу жолдағандардың бірі – Ғаламдық әріптестік жөніндегі проректор Шолпан Тазабек болды.
AlmaU Impact Pitch Day-дің мақсаты – белсенді және жауапты жастарды қолдау. Іс-шара аясында қатысушыларға келесі міндеттер қойылды:
-
Студенттер арасында әлеуметтік кәсіпкерлік пен тұрақты даму мәдениетін ілгерілету, өмір сапасын жақсартуға бағытталған жобаларға қызығушылық қалыптастыру.
-
Болашақ лидерлердің ой-өрісін кеңейтіп, олардың шешімдерінің ұзақ мерзімді әсерін бағалай білуге мүмкіндік беретін жауапты менеджмент пен Impact-ойлау дағдыларын дамыту.
-
Әлеуметтік, экологиялық және экономикалық сын-қатерлерді шешуге бағытталған студенттік жобаларды таныстыруға арналған ашық платформа құру.
-
БҰҰ Тұрақты даму мақсаттарына үлес қосуға дайын, қоғамдық маңызы жоғары жобаларды жүзеге асыратын жас новаторларды анықтап, қолдау.
-
Тиімді әрі инновациялық шешімдер жасау үшін бизнес, технология, креативті индустриялар және әлеуметтік практикаларды біріктіретін пәнаралық тәсілді ынталандыру.
Презентациялар қорытындысы бойынша үздік жобаларға бастапқы капитал ретінде қаржылай қолдау көрсетілді:
- 1 орын 100 000 тг – «Microplant» жобасы, авторлары: Иманбердиев Алихан, Махметов Алдияр
- 2 орын 70 000 тг – «Tiny Heart» жобасы, авторлары: Кенесбек Дариға, Шегебай Айбарсын
- 3 орын 50 000 тг – «Komek» жобасы, команда құрамы: Карамергенова Элина, Уражанова Валерия, Курьин Даниил, Мустафин Марсель, Хуснутдинов Равиль
Іс-шараның мақсаты – AlmaU-дың белсенді студенттерін қолдап, олардың әлеуетін әлеуметтік маңызы бар бастамалар арқылы жүзеге асыруға мүмкіндік беру.
AlmaU Impact Pitch Day студенттік жобаларды дамытуға және Қазақстанда әрі оның шегінен тыс тұрақты, инклюзивті және инновациялық өзгерістер жасауға бағытталған жас көшбасшылар қауымдастығын қалыптастыруда маңызды алаңға айналды.