2025 жылдың 20-27 наурыз аралығында Almaty Management University (AlmaU) делегациясы Норвегияға жұмыс сапарымен барып, сол елдің жетекші спорт және білім беру мекемелерінің өкілдерімен бірнеше стратегиялық кездесулер өткізді. Сапар барысында Норвегияның жас спортшыларды даярлау, физикалық тәрбиені білім беру процесіне интеграциялау, сондай-ақ денсаулық және спорт менеджменті саласындағы ғылыми зерттеулерді дамыту бойынша озық тәжірибесі басты назарға алынды.
AlmaU-ның сапары Қазақстан мен Норвегия арасындағы халықаралық ынтымақтастықты нығайту және озық тәжірибелермен алмасуды дамыту үшін маңызды қадам болды. Танымал кеңестік және қазақстандық шаңғышы, Олимпиада чемпионы әрі бірнеше дүркін Олимпиада жүлдегері Владимир Смирнов пен танымал спорт функционері және консультант Инге Андерсеннің белсенді қолдауының арқасында Осло мен Лиллехаммерда жоғары деңгейде кездесулер ұйымдастырылды. Сондай-ақ, Норвегиядағы Қазақстан Республикасының Елшілігінің көмегі ерекше маңызды болды, оның атынан Елші Адиль Тұрсынов және Елшіліктің үшінші хатшысы Олжас Амантай қолдау көрсетті.
AlmaU делегациясының құрамына:
- Асылбек Кожахметов, негізін қалаушы және президент,
- Марал Кожахметова, Инфрақұрылым басқармасының директорының орынбасары,
- Меруерт Казбекова, Президенттің мемлекеттік органдармен өзара іс-қимыл жөніндегі кеңесшісі, ҚР Парламенті Мәжілісінің 5, 6 шақырылымының депутаты, Қазақстан кәсіпкер әйелдер одағының төрағасы
- Нұрлыбек Сыздықов, Менеджмент мектебінің Спорт менеджменті орталығының директоры,
- Алия Ақпаева, Халықаралық даму басқармасының директоры.
Сапар Норвегияның екі қаласы — Осло және Лиллехаммерде өтті, мұнда AlmaU командасы елдің спорт саясатын қалыптастыру мен білім беру стандарттарын орнатуда жетекші рөл атқаратын маңызды ұйымдармен кездесулер өткізді:
Осло (21–24 наурыз):
- NTG Bærum (Norges Toppidrettsgymnas Bærum) — элиталық спорт мектебі. Norges Toppidrettsgymnas (NTG) — жеке орта мектептер желісін басқарушы коммерциялық емес қор. NTG жүйесіне 16-19 жас аралығындағы 7 орта мектеп және 13-16 жас аралығындағы 7 мектеп кіреді. NTG 30-дан астам спорт түрі бойынша мамандандырылған бағдарламалар ұсынып, 1800 студент пен 400-ден астам оқытушы мен жаттықтырушы жұмыс істейді.
- NIH (Норвегия Спорт Ғылымдары Мектебі) — ARWU рейтингінде әлемде екінші орында тұр және Норвегияда ғылыми зерттеулер бойынша көшбасшы.
- Kristiania University of Applied Sciences — Норвегиядағы ең ірі жеке университеттердің бірі, тәжірибеге бағытталған білім беру бағдарламаларын ұсынады.
- Биатлоннан әлем чемпионаты — BMW IBU World Cup жарысының көрермені ретінде қатысу.
Лиллехаммер (25–27 наурыз):
- NTG — Norges Toppidrettsgymnas Lillehammer,
- Олимпиадалық парк — Олимпиадалық спорт нысандары кешені.
- University of Inland Norway (Норвегияның Ішкі Университеті) — 2017 жылы құрылған мемлекеттік университет, оның Лиллехаммердегі кампусы Норвегиядағы ең ірі кампус болып табылады, мұнда 1994 жылғы қысқы Олимпиада ойындары үшін салынған телерадиоорталық орналасқан.
Сапар барысында AlmaU делегациясы Норвегияның жас спортшыларды даярлау жүйесінің және ғылымды спортшы даярлау процесіне интеграциялау тәсілдерінің жүйелі көрінісін алды. Норвегияның ең мықты білім беру және ғылыми зерттеу ұйымдарымен танысу жаңа байланыстарға және болашақтағы ынтымақтастық туралы диалогтың басталуына себеп болды.
AlmaU, сондай-ақ өздерінің спорттық бастамаларын жүзеге асыру тәжірибесіне ие (оның ішінде жыл сайынғы «Лыжня Мусина–Иванова» жарысы), Қазақстанның спорт саласында кәсіби кадрларды даярлауды дамытуға бағытталған. Норвегиялық әріптестерімен ынтымақтастық арқылы университет қазақстандық жастарға арналған қысқы спорт түрлерін дамыту және танымал ету, сондай-ақ еліміздің спорт индустриясы үшін білім беру бағдарламаларын одан әрі дамыту жоспарын жүзеге асыруды көздейді.
Осылайша, AlmaU өкілдерінің сапары Қазақстан мен Норвегия арасындағы жас спортшыларды даярлау, ғылыми зерттеулер, алмасу бағдарламалары және спорттық экожүйе үшін менеджерлер даярлау саласындағы ынтымақтастық үшін жаңа мүмкіндіктер ашты.