28 ақпанда Алматыда AlmaU кәсіпкерлік және инновация мектебі Қырғызстан Халықаралық университетінің делегациясын қабылдады. Делегация құрамында:
- Қадыралиев Ұлан Қасымбекұлы – Халықаралық білім академиясының ректоры;
- Биланова Әсел Биланқызы – Халықаралық білім академиясының академиялық мәселелер жөніндегі проректоры;
- Асанов Сейтек Әлиұлы – Қырғыз Республикасы Халықаралық университетінің бизнесті дамыту және инвестициялар жөніндегі проректоры болды.
Сапар барысында делегация AlmaU ректоры Гүлнар Куренкеевамен кездесті. Кездесу барысында тәжірибе алмасуға, бірлескен білім беру бағдарламаларын құруға және зерттеу жобаларын іске асыруға негіз болатын университеттер арасындағы ұзақ мерзімді әріптестік мәселелерінің келешегі талқыланды.
Тараптар Орталық Азиядағы білім беру және бизнес саласындағы заманауи үрдістер туралы пікір алмасты, сондай-ақ бірлескен білім беру бағдарламаларын, студенттер мен оқытушылардың академиялық ұтқырлығын жүзеге асыру мүмкіндіктерін қарастырды.
Кездесудің қорытындысы өңірдегі серіктестік пен білім беру бастамаларын дамыту үшін жаңа көкжиектер ашатын ынтымақтастық туралы меморандумға қол қою болды, оның ішінде:
- студенттер мен оқытушылар арасында кәсіпкерлікті дамыту үшін қолайлы жағдайлар жасау;
- стартаптарды, инкубаторларды және акселерациялық бағдарламаларды қолдау;
- бірлескен іс-шараларды (конференциялар, хакатондар, форумдар, тренингтер және т.б.) ұйымдастыру;
- инновациялар мен бизнес саласындағы ғылыми және қолданбалы зерттеулерді дамыту;
- университеттер арасында білім, тәжірибе және үздік практикалармен алмасу.
AlmaU Орталық Азияның білім беру және ғылыми мекемелерінің өркендеуіне ықпал ететін білім алмасу және мықты академиялық қоғамдастық қалыптастыру үшін платформа құра отырып, халықаралық ынтымақтастықты нығайтуды жалғастырып келеді.