2026 жылғы 21 қыркүйекте Варшаваға жұмыс сапары аясында AlmaU президенті Асылбек Қожахметов Козьминский университетіне (Kozminski University) барды. Бұл – бизнес-білім беру, менеджмент, қаржы және экономика салаларына маманданған Польша мен Еуропадағы жетекші жекеменшік университеттердің бірі.
Сапар барысында ынтымақтастықты дамыту және бірлескен білім беру бастамаларын таныстыруға арналған жұмыс кездесуі өтті. Кездесудің басты оқиғасы – бакалавриат деңгейіндегі «Қаржы» білім беру бағдарламасы бойынша қос диплом бағдарламасын іске асыру туралы келісімге ресми түрде қол қою болды.
Бағдарлама AlmaU-дың Цифрлық технологиялар және экономика мектебімен (SDTE) бірлесіп жүзеге асырылады. Бағдарлама студенттерге екі университетте білім алып, халықаралық академиялық тәжірибесін кеңейтуге және жаһандық еңбек нарығында сұранысқа ие құзыреттерді дамытуға мүмкіндік береді.
Кездесуге Kozminski University президенті (Prof. Witold Bielecki), интернационалдандыру жөніндегі проректор (Prof. Mariola Ciszewska-Mlinaric), Халықаралық байланыстар офисінің директоры (Valentyna Guminska, Ph.D.) және Қаржы және экономика колледжі деканының орынбасары (Dr. Grigorij Kravchenko) қатысты.
AlmaU тарапынан Президентпен бірге Білім беру институтының директоры Даяна Балгабекова болды.
AlmaU мен Kozminski University арасындағы ынтымақтастық 2015 жылдан бері дамып келеді. Он жылдан астам уақытқа созылған серіктестік аясында университеттер академиялық ынтымақтастықты, студенттердің халықаралық академиялық ұтқырлығын және бірлескен білім беру бастамаларын дамытып келеді.
Kozminski University — Варшава қаласында орналасқан Польшаның жетекші жекеменшік университеті. Университет бизнес, менеджмент, қаржы, экономика және құқық салаларына маманданады. Оның кең халықаралық байланыстары бар және Орталық және Шығыс Еуропадағы бизнес-білім берудің жетекші орталықтарының бірі ретінде танылған.
«Қаржы» бағдарламасы бойынша қос диплом туралы келісімге қол қою AlmaU мен Kozminski University арасындағы ұзақ мерзімді серіктестікті дамытудың жаңа кезеңіне жол ашып, студенттерге халықаралық білім алу үшін жаңа мүмкіндіктер ұсынады.