AlmatU өкілдері АҚШ-тың Lehigh University университетімен бірлесіп ұйымдастырылған Global Social Impact Fellowship (GSIF) халықаралық бағдарламасын жүзеге асыруға елеулі үлес қосты.
Бағдарлама аясында AlmaU өкілдері Қазақстандағы өзекті әлеуметтік, экологиялық және технологиялық мәселелерді шешуге бағытталған жобалармен айналысқан студенттік командаларға менторлық қолдау көрсетті. Бағдарлама тұрақты даму саласындағы тәжірибеге бағытталған шешімдерді әзірлеу үшін әртүрлі елдерден келген студенттерді, зерттеушілерді және сарапшыларды біріктірді.
Бағдарламаны іске асыруға университет өкілдері айтарлықтай үлес қосты. AlmaU ассистент-профессоры Динара Тумабекова Central Asian Researchers Network командасына тәлімгерлік етті.
Қолданбалы жасанды интеллектті өнеркәсіпте дамыту орталығының директоры Даулет Сабыр Swello және Save Tuba жобаларын сүйемелдеді. AlmaU Тұрақты даму орталығының директоры Жания Хайбуллина PureSpaces командасының қызметін үйлестірді.
Тәлімгерлердің сарапшылық қолдауының арқасында команда мүшелері далалық зерттеулер жүргізіп, жергілікті қауымдастықтармен және мүдделі тараптармен өзара іс-қимылды нығайта алды, сондай-ақ тұрақты дамудың заманауи сын-қатерлеріне жауап беретін шешімдерді әзірлеу жұмыстарын ілгерілетті.
Бағдарлама қорытындысы бойынша Динара Тумабекова мен Даулет Сабыр Lehigh University студенттері мен оқытушыларымен бірлесіп жүзеге асырылған далалық зерттеулер барысында табысты тәлімгерлік жасағаны үшін сертификаттармен марапатталды. Олардың әлеуметтік инновацияларды дамытуға, мәдениетаралық ынтымақтастықты нығайтуға, этикалық өзара іс-қимылды қолдауға қосқан үлесі, сондай-ақ Қазақстанның тұрақты дамуына арналған жергілікті ерекшеліктерді ескеретін шешімдерді іздеуге жәрдемдескені ерекше атап өтілді.
AlmaU өкілдерінің GSIF бағдарламасына қатысуы университеттің халықаралық ынтымақтастықты дамытуға, жобалық оқытуды қолдауға және БҰҰ-ның Тұрақты даму мақсаттарын ілгерілетуге деген ұстанымын айқын көрсетеді. Мұндай бастамалар тәжірибе алмасуға, зерттеушілік құзыреттерді дамытуға және қоғамдағы оң өзгерістерге ықпал ететін жаһандық серіктестіктерді нығайтуға мүмкіндік береді.