16 қыркүйекте AlmaU-де Shanghai Normal University (SHNU), UNESCO Teacher Education Centre (UNESCO TEC) өкілдері және Shanghai Normal University студенттерінің қатысуымен кездесу өтті. Сапар аясында AlmaU басшылығымен институционалдық кездесу ұйымдастырылып, білім беру саласындағы ынтымақтастықты дамыту, бірлескен зерттеулер және халықаралық академиялық бастамаларды іске асыру перспективалары талқыланды.
Делегация құрамында Dr. Ruimiao Li – Шанхай педагогикалық университетінің Халықаралық және салыстырмалы білім беру жөніндегі зерттеу институтының өкілі; Ms. Zhuoyun Wang – UNESCO Teacher Education Centre халықаралық байланыстар жөніндегі хатшысы; Ms. Jialei Cheng – Алматыдағы UNESCO кеңсесінің өкілі, сондай-ақ Shanghai Normal University-дің бакалавриат және магистратура студенттері болды.
AlmaU тарапынан кездесуге Шолпан Тазабек, жаһандық әріптестік жөніндегі проректор; Айжан Сапаргалиева, School of Transformative Humanities and Education деканы; Азамат Ауезханулы, Менеджмент және қонақжайлылық мектебінің деканы; Айгерим Елибаева, Executive Education, Leadership & Consulting департаментінің директоры; Даяна Балгабекова, Білім беру институтының директоры; Айгуль Саренова, TOLYQ ADAM институтының директоры және Данияр Медетов, Жоғары бизнес мектебінің зерттеулер және индустриямен байланыстар жөніндегі қауымдастырылған деканы қатысты.
Жасанды интеллект дәуіріндегі білім беру және оқытушының рөлі
Институционалдық кездесудің негізгі тақырыптарының бірі – жасанды интеллектінің қарқынды дамуы жағдайындағы білім берудің трансформациясы болды.
Қатысушылар білім беру үдерісінде оқытушының және адамаралық өзара әрекеттестіктің маңызды рөлін сақтау мәселесін талқылады. Атап айтқанда, оқытушы мен студент арасындағы тікелей қарым-қатынас, тәлімгерлік және жеке қолдау білім беру сапасының маңызды құрамдас бөлігі ретінде атап өтілді. Жасанды интеллект құралдары оқытушының қызметін толық алмастырмай, білім беру үдерісін қолдайтын және толықтыратын технология ретінде қарастырылуы қажеттігі айтылды.
Тараптар оқытушылар алмасуы мен академиялық мобильділікті дамыту, білім беру саласында бірлескен бастамалар мен бағдарламаларды әзірлеу, сондай-ақ бірлескен зерттеулер жүргізу мүмкіндіктерін талқылады.
Ынтымақтастықтың перспективалы бағыттарының бірі ретінде teacher education және педагогтерді даярлау саласындағы бірлескен бағдарламалар мен жобаларды дамыту, сондай-ақ Орталық Азия университеттерін қамтитын кәсіби және зерттеу желілерін қалыптастыру мүмкіндігі қарастырылды.
AlmaU тәжірибесі және TOLYQ ADAM бағдарламасы
Кездесу барысында AlmaU өкілдері университеттің тұлғаны жан-жақты дамытуға бағытталған білім беру тәжірибесімен бөлісті.
Атап айтқанда, қонақтарға TOLYQ ADAM бағдарламасы таныстырылды. Бағдарлама студенттің тұлғалық дамуына, құндылықтарын қалыптастыруға және заманауи қоғамда өмір сүруі мен кәсіби қызметіне қажетті құзыреттер мен дағдыларды дамытуға бағытталған.
Тараптар TOLYQ ADAM тәжірибесін бірлескен білім беру және зерттеу бастамалары аясында қолданудың ықтимал бағыттарын және одан әрі ынтымақтастық мүмкіндіктерін талқылады.
Студенттерге арналған қонақ дәрістер
Сапар бағдарламасы аясында Shanghai Normal University студенттеріне AlmaU өкілдері екі қонақ дәрісін өткізді:
Дәрістерден кейін студенттермен пікір алмасу және networking сессиясы ұйымдастырылып, қонақтарға AlmaU кампусы бойынша экскурсия өткізілді.
Shanghai Normal University (SHNU) – Шанхай қаласында орналасқан жоғары оқу орны. Университеттің негізгі бағыттарының қатарында педагогикалық кадрларды даярлау, білім беру саласындағы зерттеулер, сондай-ақ гуманитарлық және әлеуметтік ғылымдар бар. SHNU халықаралық ынтымақтастықты белсенді дамытып, шетелдік серіктестерімен бірлескен білім беру және зерттеу жобаларына қатысады.
SHNU және UNESCO TEC өкілдерінің AlmaU-ға сапары Қазақстан мен Қытай арасындағы академиялық байланыстарды одан әрі нығайтуға және білім беру саласындағы ынтымақтастықтың жаңа бағыттарын дамытуға мүмкіндік берді.
Кездесу қорытындысы бойынша тараптар бірлескен зерттеулерді, халықаралық академиялық алмасуларды біліктілікті арттыру бағдарламаларын және білім беру бастамаларын одан әрі дамытуға, сондай-ақ Орталық Азиядағы халықаралық академиялық желілер аясындағы ынтымақтастықты кеңейтуге қызығушылық білдірді.