2025 жылдың 20 маусымында AlmaU-да Women in Tech Kazakhstan ұйымы, Women in Innovations және AI бағыты аясында ұйымдастырған «AI for Her» Meet-up Pro офлайн іс-шарасы өтті. Іс-шараның серіктестері EPAM Kazakhstan, Herbalife, Қазақстандағы жасанды интеллектті дамыту қауымдастығы, «Әлеуметтік динамика» қоғамдық қоры, Darlean.kz және AlmaU болды. Модератор Мадина Дусмағамбетова, Women in Innovations and AI саласындағы жетекшісі болды.
Ашылу салтанатын құттықтау сөзімен AlmaU ректоры Гүлнара Куренкеева ашты:
«Women in Tech өте қиын IT индустриясында әйелдер қауымдастығын дамытуда. Жүйелілік, тәртіптілік, коммуникация құру қабілеті көптеген әйелдерге тән қасиеттер болып табылады және олар көбінесе жобалардың сәттілігін анықтайды. Бүгінде әйелдердің жаңа цифрлық құралдарды үйренуге, бәсекеге қабілетті болуға және әлемдік аренада атын шығаруға мүмкіндігі бар. Біз осындай бастамалардың бір бөлігі болғанымызға қуаныштымыз», – деді ол.
«Women in Tech Kazakhstan» – ның бас директоры Әсем Болатжан ұйымның миссиясы туралы айтты:
«Біз технологияларды кеңінен насихаттап, әйелдердің IT саласында өзін сынап, осы салада дамып, технологиялық прогреске ілесіп жүрген қыздардың көбеюіне ұмтылудамыз. Біздің мақсатымыз – әлемдік аренада Қазақстанды таныта алатын көшбасшы әйелдердің жаңа буынын тәрбиелеу».
Іс-шара бағдарламасына кәсіпкер әйелдердің презентациялары мен практикалық шеберлік сабақтары кірді. AI интегратор және NeoAI Solutions негізін қалаушы Мауытхан Айдын «AI-ның нақты артықшылықтары: ең тиімді құралдарға шолу» тақырыбында сессия өткізді, онда ол 30-дан астам ірі компанияларда мамандарды оқытудағы тәжірибесімен бөлісті. Чатбот сәулетшісі Ердос Абжамиев цифрлық құралдарды практикалық қолдануды көрсете отырып, «AI көмегімен ландинг бетін қалай жасауға болады» тақырыбында шеберлік сабағын өткізді.
Осындай іс-шаралар әйелдердің кәсіби өсуіне, жаңа іскерлік байланыстар орнатуына, тиісті цифрлық дағдыларды меңгеруге және сенімді түрде алға жылжуына жағдай жасайды.
Анықтама:
2023 жылдың 4 қыркүйегінде Алматыда Women in Tech халықаралық ұйымының Қазақстандағы филиалының ресми ашылуы өтті. Ұйым әйелдердің технология секторына қатысуына ықпал етеді және олардың STEM, инновациялар және AI саласында кәсіби өсуіне жағдай жасайды.