18 наурызда AMANAT партиясының «Қарызсыз қоғам» жобасы аясында AlmaU экономика және қаржы мектебінде «АХҚО және Қазақстандағы исламдық қаржыландыруды дамыту» тақырыбында қонақтық дәріс өтті.
Баяндамашы – «Астана» халықаралық қаржы орталығының (АХҚО) Исламдық қаржыландыру департаментінің басшысы Мадина Тукулова.
Дәрісте исламдық қаржыландырудың негізгі принциптері, оның дәстүрлі банк жүйесінен айырмашылығы және Қазақстанда исламдық қаржыландыруды дамыту мүмкіндіктері қарастырылды. Баяндамашы исламдық қаржы құралдары несиелеу мен инвестициялаудың классикалық әдістеріне қалай балама бола алатынын егжей-тегжейлі түсіндірді.
Негізгі тақырыптардың бірі АХҚО-ның Қазақстандағы исламдық қаржыландыруды дамытудағы рөлін талқылау болды. Мәдина Тукулова нормативтік-құқықтық базаны құру, халықаралық ислам инвесторларын тарту және сукук (исламдық облигациялар), ичара (лизинг) және мудараба (әріптестік қаржыландыру) сияқты жаңа құралдарды енгізу туралы айтты.
Студенттер пікірталасқа белсенді түрде қатысып, Қазақстандағы исламдық қаржыландырудың болашағы, исламдық шоттарды ашу мүмкіндіктері, сондай-ақ бұл құралдардың ел экономикасына әсері туралы сұрақтар қойды. Әсіресе, исламдық сақтандыру (такафул) тақырыптары мен ислам банктерінің жұмыс ерекшеліктері қызықтырды.
Дәріс белсенді және интерактивті форматта өтіп, студенттердің үлкен қызығушылығын тудырды. Қатысушылар исламдық қаржыландыру тақырыбының өзектілігі артып келе жатқанын және АХҚО ұсынатын мүмкіндіктер Қазақстандағы бизнес пен инвесторлар үшін жаңа көкжиектер ашатынын атап өтті.