2026 жылдың 14 қаңтарында ХБА колледжінің профессорлық-оқытушылық құрамы академиялық сабақтастықты нығайту және деңгейлік ынтымақтастықты кеңейту бастамасы аясында AlmaU университетіне сапар жасады.
Сапар бағдарламасы кампус турынан басталды, оған жаңа қызметкерлер мен университеттің заманауи инфрақұрылымымен жұмыс істеп жүрген оқытушылар қатысты. Қатысушылар AlmaU білім беру ортасымен танысып, AlmaU Open Library, Qaynar Bulaq қалалық білім кеңістігіне, сондай-ақ мамандандырылған зертханалар мен оқу аудиторияларына барды.
Бағдарламаның келесі бөлігі «Жасанды интеллект дәуіріндегі білім» семинары болды. Оны Цифрлық технологиялар және экономика мектебінің профессоры Саулет Ербулатовна Сибанбаева өткізді. Кездесу барысында жасанды интеллектінің даму тенденциялары, қазіргі жағдайы және білім беру процесіндегі практикалық қолданылуы талқыланды. Сонымен қатар, AlmaU оқытушылары әзірлеген OquLabs оқу процесін бақылау платформасы таныстырылды.
Сапардың соңғы бөлігі Tolyq Adam институты ұйымдастырған «Holistic mindset: Tolyq Adam іс жүзінде» семинары болды. Қатысушыларға Абай Құнанбаев мұрасына негізделген Tolyq Adam философиялық концепциясы мен оның білім беру тәжірибесіне интеграциялау мүмкіндіктері таныстырылды. Сонымен қатар, институт жүзеге асыратын пәндер де презентацияланды.
Семинарды Tolyq Adam институтының директоры Айгүл Сапарбековна Саренова, Senior Lecturer Ирина Сергеевна Круглова және Professor of Practice Анар Тойғанбаевна Колушпаева өткізді.
Іс-шара аясында ХБА колледжінің «құндылықтар ағашын» қалыптастыру бойынша интерактивтік сессия да өтті, бұл колледждің корпоративтік мәдениетін дамытуға және білім беру миссиясын нығайтуға бағытталған.
