2024 жылдың 21 қазанында AlmaU-да Constructor University (Германия) делегациясымен кездесу өтті, оның мақсаты халықаралық ынтымақтастық перспективаларын талқылау болды.
Делегация құрамында:
- Халықаралық байланыстар жөніндегі вице-президент – проф. Томас Ауф Дер Хейде
- Сату жөніндегі вице-президент – Евгений Гудкофф
- Клиенттермен байланыс жөніндегі вице-президент – Евгений Стрельников
Кездесу барысында екі тарап өз университеттерін таныстырып, серітестіктің ықтимал бағыттарын талқылады. Пікірталас көптеген сұрақтар мен қатысушылардың терең қызығушылығымен өтті.
Технологияларды коммерцияландыру орталығы мен AlmaU цифрлық технологиялар мектебіне ерекше назар аударылды. Кездесудің негізгі тақырыптарының қатарында білім беру процестері, қос дипломдық бағдарламалар, сондай-ақ студенттер мен оқытушылар алмасу болды.
Профессор Томас Ауф Дер Хайде сондай-ақ логистика саласындағы ынтымақтастықты, ал магистратура деңгейінде – Data Science бағдарламаларын әзірлеуді қарастыруды ұсынды. Конструктор университетінде IT салаларына сұраныстың жоғары болуына қарамастан, өкілдер университеттің химия, әлеуметтік ғылымдар және басқа пәндер сияқты салаларда да айтарлықтай әлеуеті бар екенін, бұл әріптестік үшін қосымша мүмкіндіктер ашатынын атап өтті.
Конструктор университеті бұрын логистика саласындағы зерттеушілерді қабылдамағанымен, бұл саланы дамытуға қызығушылық жаңа бастамалар үшін жақсы қадам бола алатыны айтылды.
Сонымен қатар, тараптар ғылыми-зерттеу жұмыстарын жүргізу және халықаралық конференцияларға қатысу бойынша бірлескен жұмыс мүмкіндіктерін талқылады. Делегация AlmaU-ның цифрлық инновациялар саласындағы күш-жігерін жоғары бағалады және ынтымақтастықты дамытуда одан әрі қадамдар жасауға дайын екенін білдірді.
Бұл кездесу AlmaU-ның әлемнің жетекші университеттерімен байланысын нығайтудағы маңызды қадам болды және студенттер, оқытушылар мен зерттеушілер үшін жаңа перспективалар ашты. AlmaU білім және озық тәжірибе алмасу үшін мүмкіндіктер жасай отырып, халықаралық өзара әрекеттесуді дамытуды жалғастыруда.