2023 жылы 8 қарашада AlmaU профессорлық-оқытушылар құрамы «ППС-Party» іс-шарасы үшін университеттің Атриум-холлында жиналды.
Зал тек профессорлық-оқытушылар құрамымен ғана емес, көңілді музыкамен, түрлі дайындалған қойылымдармен және дәмді тағамдармен толды.
Кештің ашылуында AlmaU ректоры Гүлнар Тұрдалиқызы өзінің оқытушы болу тәжірибесімен бөлісіп, әріптестеріне өмірдің барлық салаларында табыс тіледі.
Іс-шараның бірінші бөлімі шығармашылық тапсырмаларға арналды: туды, ұранды және командалық атауларды дайындау және сурет салу болды. Профессорлар өздерінің шеберліктерін көрсетіп, креативті элементтерді ғана емес, позитивті элементтерді де жасады. Кейін қатысушылар қызықты квиздерге қатысып, сұрақ-жауап айдарларында өздерінің белсенділігін көрсетті.
Есте қаларлық байқаулардың бірі би нөмірін дайындау болды. Оқытушылар 10 минут ішінде өздеріне беймәлім әнге хореография дайындап, дарындарымен таң қалдырды. Кештің бірінші бөлімі фуршет және нетворкингпен аяқталды.
Кештің екінші бөлімі қатысушыларды 80-ші жылдардың музыкасы мен стилінің алтын дәуіріне көшірді. Әндер, дискотека ырғақтары, паеткалары бар костюмдер және мәнерлі шаш үлгілері нағыз кештің атмосферасын тудырды. Егер қатысушылар арасында стиль үшін марапат өткізілсе, бәрі бірінші орынға лайықты болар еді.
Кеш, жүргізуші Евгений Авдеевтің көңілді бағдарламасымен, DJ плейлисімен және AlmaU студенттерінің талантты нөмірлерімен сүйемелденді.
Мұндай кештер қатысушыларды қуантып, олардың өміріне жарқын естеліктер мен шабыт әкеледі.
Сіздерге болашақта көптеген қуанышты сәттер тілейміз!