2025 жылғы 15 шілдеде Almaty Management University (AlmaU) қабырғасында белгілі кәсіпкер, Ресейде Pandora брендін іске қосқан және елдегі ірі ритейл желілерінің бірі – «Связной» компаниясының негізін қалаушы Максим Ноготковпен кездесу өтті. Әр жылдары оның бизнесінде 3 000-нан астам дүкен, жеке банкі, 30 000 қызметкері және жылдық айналымы 5 миллиард АҚШ долларына жеткен.
Іс-шараға кәсіпкерлер мен академиялық қауым өкілдері жиналып, бизнесті дамытуға қатысты маңызды сұрақтарды талқылады:
-
Бизнесті нөлден бастап миллиардтық деңгейге дейін қалай жеткізуге болады?
-
Бәрі құлдыраған кезде не істеу керек?
-
Жолда өзіңді жоғалтып алмау үшін не маңызды?
-
Неге толысқандақ амбициядан маңызды?
-
Қазіргі өзгермелі жағдайда табыстың бейнесі қалай өзгереді?
Максим Ноготков бизнесін қалай нөлден бастап масштабты деңгейге жеткізгенін, банкроттық пен жеке дағдарыстан қалай өткенін, содан кейін өзінің мақсаттарын, көзқарасын және табыс түсінігін толықтай қайта ой елегінен өткізгенін айтып берді.
Оның айтуынша, амбициядан гөрі ішкі жетілу әлдеқайда маңызды – дәл осы қасиет тұрақсыз кезеңде дұрыс шешім қабылдауға көмектеседі. Сонымен қатар, ол кәсіпкерліктегі философиялық көзқарасқа ерекше мән берді. Қиын-қыстау кезеңдер адамның бетпердесін ашып, оның шынайы мотивациясын көрсетеді дейді ол.
Қаржылық тұрақтылық – мақсат емес, бірақ ол еркіндік пен тәуелсіздік сезімін береді, ал бұл – адам үшін маңызды құндылық.
Максим Ноготков кәсіпкердің жауапкершілігі туралы да сөз қозғады, әсіресе инвестиция тарту және оны басқару тұрғысынан. Инвесторлардан қаражат алып, оны басқарған кәсіпкер қабылдаған әр шешімінің салдарын терең түсінуі тиіс.
Кездесу соңында ол тұрақсыздық жағдайында ұстану қажет негізгі қағидаларды атап өтті:
-
Көзқарасты қайта қарауға ашық болу;
-
Қателіктерді мойындай білу;
-
Ішкі тепе-теңдікті сақтай алу.
Бұл кездесу қатысушыларға бизнес жүргізу мен өмірдегі құндылықтарды қайта сараптауға шабыт берді.