2024 жылдың 31 наурызында Almaty Management University-де Марсель Бамматовтың «Онбординг және инбординг. Персоналды бағалау және тиімді мотивация жүйесі: құралдар, тәжірибе және тенденциялар» тақырыбында қонақ дәрісі өтті.
Марсель Бамматов – Popeyes Kazakhstan компаниясының бас операциялық директоры, операциялық басқару, адам ресурстарын басқару және бизнес-процестерді оңтайландыру бойынша сарапшы.
Дәрісте ол өзінің кәсіби жолы туралы айтты. Марсель Бамматов мейрамхана бизнесіндегі еңбек жолын даяшы болып бастаған. Содан кейін ол McDonald’s мейрамханаларының бірінде директордың орынбасары болды, содан кейін Popeyes Kazakhstan компаниясының операциялық директоры лауазымына ауысты.
Дәріскер сонымен қатар жаңа қызметкерлерді қалай тиімді бейімдеу және команданың негізгі ойыншыларын сақтап қалу туралы айтып берді, HoReCa жүйесінде персоналды бағалаудың заманауи әдістерін талдап, мотивация жүйесінің қызметкерлердің өнімділігі мен адалдығына әсерін қарастырды.
Студенттер Марсель Бамматовтың дәрісін үлкен қызығушылықпен тыңдады. Оның табыс тарихы қонақжайлылық индустриясындағы мансаптық өсудің жарқын мысалы болып табылады. Студенттер өздерін қызықтыратын сұрақтарын қойып, кәсіби маманнан құнды кеңестер ала алды.
Кездесуді AlmaU-дың Қонақжайлылық және Туризм мектебі ұйымдастырды. Мұндай дәрістер қонақжайлылық индустриясының болашақ мамандарына заманауи еңбек нарығының тенденцияларын жақсы түсінуге және оларды табысты мансапқа дайындауға көмектеседі.