9 сәуірде AlmaU ректоры Булдыбаев Тимур Керимбекович Қытай Халық Республикасына ресми сапары аясында серіктес жоғары оқу орындарының бірі – Tianjin University университетіне барды. Кездесу екі университет арасындағы академиялық және ғылыми ынтымақтастықты нығайтудағы маңызды кезең болды.
Келіссөздерге сондай-ақ Малшы Мөлдір – School of Digital Technologies and Economics мектебінің халықаралық ынтымақтастық және аккредитация жөніндегі декан орынбасары қатысты. Кездесу барысында тараптар серіктестікті дамыту бағыттарын талқылады, оның ішінде академиялық ұтқырлық бағдарламаларын кеңейту, бірлескен білім беру бастамаларын іске қосу және цифрлық технологиялар саласындағы жобаларды дамыту мәселелері қарастырылды.
Білім беру бағдарламаларын жаңғыртуға, оқытудағы инновациялық тәсілдерді енгізуге және цифрлық экономика үшін жоғары білікті мамандар даярлауға ерекше назар аударылды.
Сапар AlmaU-дың Пекин қаласында өтетін халықаралық білім беру іс-шараларына – China International Education Exhibition Tour (CIEET) және China Study Abroad Forum (CSAF) қатысуы аясында өтуде. Аталған іс-шаралар 10-11 сәуірде Қытай ұлттық конгресс орталығында ұйымдастырылады. AlmaU көрмеде әлемнің жетекші университеттерімен қатар өз білім беру бағдарламалары мен халықаралық мүмкіндіктерін таныстыруда.
Tianjin University – Қытайдың 1895 жылы негізі қаланған ең көне әрі беделді университеттерінің бірі. Университет инженерия, технология және қолданбалы ғылымдар саласында жоғары нәтижелерімен танымал, халықаралық ынтымақтастықты белсенді дамытып, елдің жетекші зерттеу университеттерінің қатарына кіреді.