28 қыркүйекте AlmaU Менеджмент мектебінде «MICE-индустриясы және іскерлік туризм: қонақүйлер үшін жаңару және жаңа мүмкіндіктер» атты дөңгелек үстел өтті.
Іс-шара Алматыдағы MICE-индустриясы мен іскерлік туризмді дамытудың өзекті мәселелерін талқылау үшін қонақүй бизнесі, туристік сала, іскерлік іс-шараларды ұйымдастырушылар және кәсіби білім беру саласының өкілдерін біріктірді.
Дөңгелек үстелдің модераторы – қонақүй саласының маманы Вячеслав Масалитин.
Іскерлік бағдарлама аясында сарапшылар сөз сөйлеп, практикалық тәжірибелерімен, кәсіби байқауларымен және саланы дамыту перспективалары жөніндегі өз көзқарастарымен бөлісті.
Іс-шара спикерлері:
- Еркин Тикенов – CIAQ Туризм комитетінің үйлестірушісі, «Инсайд Тревел» директоры, AlmaU практик-профессоры.
- Виктория Павленко – «ITECA» ЖШС жобалар директоры.
- Алима Тусенова – Novotel Almaty City Center қонақүйі сату бөлімінің директорының ассистенті.
- Гүлден Оспанова – Global Air-American Express Бас директоры.
- Диана Шумакаева – Tenir эко-қонақүйінің, Шымбұлақ курортының маркетинг бөлімінің директоры.
- Азура Гожахмети – Hilton Garden Inn Almaty Al-Farabi коммерциялық менеджері.
- Айтолқын Қуанышева – Hilton Garden Inn Almaty Al-Farabi HR-менеджері.
- Юлия Золотых – кәсіпкер, ZOLO Group CEO-сы, туристік аумақтарды дамыту жөніндегі мастер-девелопер.
Іс-шара барысында MICE нарығына қатысушылардың өзара іс-қимылы, туристік саланы дамыту, ірі іскерлік іс-шараларды ұйымдастыру, MICE сегментіндегі қонақүйлердің рөлі, сондай-ақ Алматыдағы іскерлік туризмді дамыту үшін жаңа мүмкіндіктер мәселелеріне ерекше назар аударылды.
Дөңгелек үстел панельдік пікірталаспен қорытындыланды. Оның барысында қатысушылар MICE-индустриясының өзекті мәселелерін талқылап, кәсіби тәжірибелерімен бөлісті және іскерлік туризм мен қонақүй бизнесін одан әрі дамыту перспективаларын қарастырды.
Дөңгелек үстел сындарлы әрі кәсіби атмосферада өтіп, білім, идеялар және практикалық кейстер алмасуға, сондай-ақ жаңа кәсіби байланыстар орнатып, іскерлік қатынастарды дамытуға мүмкіндік берді.